ဒေါက်တာစင်သီတာမောင်၏ ဆေးခန်းအား တရားဝင်ဖြစ်ရန် ကူညီဆောင်ရွက်ပေးမည်ဟု ဦးအောင်မင်း ပြောကြား

            ဦးအောင်မင်းခေါင်းဆောင်သော ပြည်ထောင်စုငြိမ်းချမ်းရေးဖော်ဆောင်ရေးအဖွဲ့ဝင်များ ထိုင်းနိုင်ငံ မဲဆောက်မြို့တွင် မယ်တော်ဆေးခန်းဖွင့်လှစ်ထားသော ဒေါက်တာစင်သီတာမောင်နှင့်တွေ့ဆုံစဉ် ဆေးခန်းအား တရားဝင်ဖြစ်ရန် ကူညီဆောင်ရွက်ပေးသွားမည်ဟု ဇွန် ၂၆  နေ့လည် ၁၂ နာရီအချိန်က Wattana Village Resort Hotel တွင်ပြောကြားံခဲ့ကြောင်း သိရသည်။

            ဒေါက်တာစင်သီတာမောင်နှင့်အဖွဲ့က နယ်စပ်ဒေသရှိ ကျန်းမာရေး၊ ပညာရေးနှင့် လှုမှုရေး ကိစ္စရပ်များကို တင်ပြခဲ့ပြီး အစိုးရကိုယ်စားလှယ်များဖြစ်ကြသော ပြည်ထောင်စုဝန်ကြီးများဖြစ်ကြသည့် ဦးအောင်မင်းနှင့် ဦးခင်ရီတို့မှ ပြန်လည်ဆွေးနွေးခဲ့ကြောင်းသိရသည်။

            “နယ်စပ်တွင်ရှိသော ကလေးအခွင့်အရေးအဖွဲ့အစည်းများ၊ ကျန်းမာရေးနှင့် ပညာရေးကိစ္စရပ်များကို တင်ပြခဲ့ပြီး ထိုင်းနိုင်ငံတွင်းရှိ လူမှုရေးအခြေခံအဖွဲ့အစည်းများနှင့် ပြည်တွင်းရှိအဖွဲ့များ ယခုထက်ပိုပြီး ပူးပေါင်းလုပ်ဆောင်နိုင်ရန် ဆောင်ရွက်သွားမည်ဟု”  ဒေါက်တာစင်သီတာမောင်က သတင်းထောက်များအား ပြောကြားခဲ့သည်။

            ပြည်ထောင်စုဝန်ကြီးဦးအောင်မင်းက လိုအပ်သောအကူအညီများကို ကူညီသွားမည်ဖြစ်ပြီး မယ်တော်ဆေးခန်းကိုလည်း တရားဝင်ဖြစ်အောင် ကြိုးပမ်းပေးသွားမည်ဖြစ်ပြီး မဲဆောက်မြို့ရှိ မြန်မာနိုင်ငံသားများအတွက် ကြီးမားသည့်အခက်အခဲများကို  ဆောင်ရွက်ပေးနေသည့်အတွက် ကျေးဇူးတင်ကြောင်း ဒေါက်တာစင်သီတာမောင်ကို ပြောကြားခဲ့သည်။

            ထို့နောက် ဇွန် ၂၇ ရက်နေ့ မနက်တွင် မဲဆောက်မြို့တွင် ဖွင့်လှစ်ထားသော ဒေါက်တာစင်သီတာမောင် ၏ မယ်တော်ဆေးခန်းသို့ ဦးအောင်မင်းနှင့်အဖွဲ့မှ သွားရောက်လေ့လာခဲ့ပြီး ပြည်ထောင်စုဝန်ကြီးဦးအောင်မင်းမှ အလှူငွေ ထိုင်းဘတ် တစ်သိန်းငါးသောင်းနှင့် လက်ဆောင်ပစ္စည်းများပေးအပ်ခဲ့ပြီး ပြည်ထောင်စုဝန်ကြီး ဦးခင်ရီမှ အတွင်းလူနာဌာနရှိကလေးလူနာများအား အလှူငွေများပေးအပ်ခဲ့ကြောင်း သိရသည်။

            ဦးအောင်မင်းဦးဆောင်သော ငြိမ်းချမ်းရေးဖော်ဆောင်ရေးအဖွဲ့၏ မဲဆောက်ခရီးစဉ်တွင် ဒေါက်တာ စင်သီတာမောင်အား တွေဆုံဆွေးနွေးခဲ့သကဲသို့ ကရင်အမျိုးသားအစည်းအရုံး (KNU) ငြိမ်းချမ်းရေး ဖော်ဆောင်ရေးအဖွဲ့မှ တာဝန်ရှိသူများ၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)မှ တာဝန်ရှိသူများနှင့်လည်း တွေ့ဆုံခဲ့သည်။