ပြည်ထောင်စုငြိမ်းချမ်းဖော်ဆောင်ရေးကော်မတီ
ဒုတိယဥက္ကဋ္ဌ ဦးအောင်မင်းသည် ကချင်လွတ်မြောက်ရေးအဖွဲ့ (KIO) မှတာဝန်ရှိသူများကို
ဒုတိယအကြိမ်အဖြစ် ကချင်ပြည်နယ် မယ်ဂျယ်အင်းဒေသတွင် ဇွန်လ ၁ ရက်နေ့က
သွားရောက်တွေ့ဆုံခဲ့ကြောင်း ကချင်လွတ်မြောက်ရေး အဖွဲ့(KIO)
ဘက်မှငြိမ်းချမ်းရေးအကျိုးတော်ဆောင် ဦးလမိုင်ဂွမ်ဂျာက ပြောကြားသည်။
မီးရထားဝန်ကြီးဦးအောင်မင်းနှင့်
ကချင်လွတ်မြောက်ရေးအဖွဲ့(KIO)မှ တာဝန်ရှိသူများ ဒုတိယအကြိမ်မြောက်တွေ့ဆုံပွဲတွင်
ယခင် ဦးအောင်သောင်းနှင့် ကချင်လွတ်မြောက်ရေးအဖွဲ့တို့ ဒုတိယအကြိမ်တွေ့ဆုံစဉ်က
ဆွေးနွေးခဲ့သော စတုတ္ထအချက်နှင့် တတိယအကြိမ်ကဆွေးနွေးခဲ့သော ပဉ္စမအချက်တို့ကို
အဓိကထားဆွေးနွေးခဲ့ကြောင်း သိရသည်။
“ဒီနေ့ဆွေးနွေးတဲ့ပွဲက
ယခင်ဦးအောင်သောင်းခေါင်းဆောင်သောအဖွဲ့နဲ့ဆွေးနွေးခဲ့တဲ့ထဲက အချက်တစ်ချက်ကို
အဓိကထားဆွေးနွေးခဲ့တာဖြစ်တယ်၊ အဲ့အချက်ကဘာလဲဆိုရင် နှစ်ဖက်တပ်စခန်းတွေ
နေရာချထားရေးနဲ့ပတ်သက်ပြီး အလွတ်သဘောတွေ့ဆုံဆွေးနွေးခဲ့တဲ့သဘောပါ၊
ဒီနေ့ဆွေးနွေးပွဲကို ကြည့်မယ်ဆိုရင် ပြည်တွင်းငြိမ်းချမ်းရေးရရှိဖို့
အတွက်အလားအလာကောင်းတွေဖြစ်နိုင်တယ်လို့ထင်ပါတယ်” ဟု ငြိမ်းချမ်းရေးအကျိုးတော်ဆောင်
ဦးအယ်ခွန်းအောင်က ပြောကြားသည်။
ဇွန်လ
၁ ရက်နေ့တွင်ဆွေးနွေးခဲ့သော ငြိမ်းချမ်းရေးဆွေးနွေးပွဲသည် အလွတ်သဘော
တွေ့ဆုံဆွေးနွေးမှုဖြစ်ပြီး နှစ်ဦးနှစ်ဖက်ပွင့်ပွင့်လင်းလင်း
ဆွေးနွေးခဲ့ကြသည့်အတွက် တစ်ဖက်နှင့်တစ်ဖက် နားလည်မှုများရရှိခဲ့ပြီး
ငြိမ်းချမ်းရေးရရှိစေရန် နောက်ပိုင်းတွင်လဲဆွေးနွေးပွဲများ ဆက်လက်ကျင်းပသွားရန်
နှစ်ဦးနှစ်ဖက် သဘောတူခဲ့ကြောင်း သိရသည်။
“
ယခင်က ပြည်နယ်အဆင့်မှာ ၃ ကြိမ် ၃ ခါဆွေးနွေးခဲ့တယ်၊ ပြီးတော့ ဦးအောင်သောင်း
ခေါင်းဆောင်တဲ့အဖွဲ့နဲ့ ပြည်ထောင်စုအဆင့်မှာ ၃ ကြိမ် ၃ ခါဆွေးနွေးခဲ့ပြီးပြီ
ဘာမှထူးခြားမလာဘူး၊ အခု နိုင်ငံတော်အဆင့်ဆွေးနွေးဖို့အတွက် ဦးအောင်မင်းက
အလွတ်သဘောကြိုတင်လာရောက် ဆွေးနွေးတဲ့ပုံကတော့ ယခင်ဆွေးနွေးပွဲတွေနဲ့မတူပဲ
ငြိမ်းချမ်းရေးရရှိဖို့အတွက် အခြေအနေကောင်းတွေ ကိုတွေ့နေရတယ်လို့ထင်တယ်” ဟု ဦးလမိုင်ဂွမ်ဂျာက ဆိုသည်။
အစိုးရငြိမ်းချမ်းရေးဖော်ဆောင်ရေးအဖွဲ့မှ
တာဝန်ရှိသူများနှင့် ကချင်လွတ်မြောက်ရေး အဖွဲ့(KIO)မှ
ငြိမ်းချမ်းရေးဖော်ဆောင်ရေးအဖွဲ့ဝင်များ ဇွန်လ တတိယပတ်တွင် တတိယအကြိမ်မြောက်
အလွတ်သဘော ထပ်မံတွေ့ဆုံရန် လျာထားကြောင်း သိရသည်။
No comments:
Post a Comment