ပြည်ထောင်စုဝန်ကြီး
ဦးအောင်မင်းခေါင်းဆောင်သော ငြိမ်းချမ်းရေး ဆွေးနွေးရေးအဖွဲ့နှင့် KNU
အတွင်းရေးမှူး ဒေါ်နော်စီဖိုးရာစိန်ဦးဆောင်သော ကိုယ်စားလှယ်အဖွဲ့တို့ ထိုင်းနိုင်ငံမဲဆောက်မြို့
Wattana Village Resort Hotel တွင် ဇွန် ၂၆ ရက်ညနေပိုင်းက
တွေ့ဆုံဆွေးနွေးခဲ့ကြောင်း ကရင်သတင်းဌာန တစ်ခုတွင် ဖော်ပြထားသည်။
မဲဆောက်မြို့တွင်တွေ့ဆုံခဲ့သော
ဆွေးနွေးပွဲတွင် မြန်မာအစိုးရနှင့် KNU အဖွဲ့တို့ ပဏာမငြိမ်းချမ်းရေး လက်မှတ်ရေးထိုးခဲ့ပြီးနောက်ပိုင်းဖွင့်လှစ်ထားသည့်
ဆက်ဆံရေးရုံးများနှင့် KNU ဒေသတွင်းမြေယာသိမ်းဆည်းခံထားရမှုများနှင့်ပတ်သက်သည့်
ကိစ္စရပ်များကို ဇွန် ၂၆ ညနေ ၃ နာရီမှ ၅နာရီထိ မဲဆောက်မြို့ တွင်ဆွေးနွေးခဲ့ကြောင်း
ဒေါ်နော်စီဖိုးရာစိန်မှ ပြောကြားခဲ့သည်။
အဆိုပါဆွေးနွေးပွဲတွင်
ပြည်ထောင်စုဝန်ကြီး ဦးအောင်မင်းမှ KNU ဒေသတွင်း နယ်မြေများမှ ပြည်သူများ
အခက်အခဲများရှိပါက ဆက်ဆံရေးရုံးများသို့ သွားရောက်တိုင်ကြားဆွေးနွေးနိုင်ကြောင်း
ပြောကြားခဲ့သည်ဟု သိရသည်။
ဇွန်
၂၆ ရက်နေ့က ပြုလုပ်ခဲ့သော ဆွေးနွေးပွဲတွင် စစ်ရေးနှင့်ပတ်သက်သည့် ကိစ္စရပ်များကို
နှစ်ဦးနှစ်ဖက်ဆွေးနွေးခြင်းမရှိခဲ့ဘဲ အဆိုပါဆွေးနွေးပွဲသို့ KNU
ငြိမ်းချမ်းရေးဖော်ဆောင်ရေးအဖွဲ့မှ ၆ ဦးနှင့် ဦးအောင်မင်းခေါင်းဆောင်သော
အစိုးရငြိမ်းချမ်းရေး ဖော်ဆောင်ရေးအဖွဲ့မှ ၉ ဦးတက်ရောက်ခဲ့ပြီး ယခုဆွေးနွေးပွဲသည်
ထာဝရငြိမ်းချမ်းရေးဆွေးနွေးပွဲများအတွက် အကျိုးရှိကြောင်း
ဒေါ်နော်စီဖိုးရာစိန်မှ ဆက်လက်ပြောကြားခဲ့သည်။
အစိုးရငြိမ်းချမ်းရေးဖော်ဆောင်ရေးအဖွဲ့မှ
တာဝန်ရှိသူများနှင့် KNU ငြိမ်းချမ်းရေးဖော်ဆောင်ရေး အဖွဲမှ တာဝန်ရှိသူများသည်
ပြီးခဲ့သည့်ဧပြီလက ရန်ကုန်မြို့ Sedona Hotel တွင် ပြည်ထောင်စုအဆင့်
ငြိမ်းချမ်းရေးဆွေးနွေးပွဲကျင်းပခဲ့ပြီးအချက် ၁၃ ခုကို နှစ်ဦးနှစ်ဖက်သဘောတူ
လက်မှတ်ရေးထိုးခဲ့ကြောင်း သိရသည်။
No comments:
Post a Comment