သမ္မတရုံးမှ ညွှန်ကြားချက်ကြောင့် ဦးမြင့်၏အိတ်ဖွင့်ပေးစာအပေါ် သတင်းစာရှင်းလင်းပွဲ ပြုလုပ်

            စီးပွားရေးအကြံပေးအဖွဲ့ခေါင်းဆောင် ဒေါက်တာဦးမြင့်မှ ရန်ကုန်တက္ကသိုလ်ရဲ့ ဂုဏ်သိက္ခာကို ပြန်လည်တည်ဆောက်ရေး ပြည်သူသို့ အိတ်ဖွင့်ပေးစာ ထုတ်ပြန်ခဲ့ခြင်းနှင့်ပတ်သက်ပြီး သမ္မတရုံမှ ညွှန်ကြားချက်ကြောင့် ရန်ကုန်မြို့ရှိ သမ္မတအကြံပေးအဖွဲ့ရုံးခန်းတွင် သတင်းစာရှင်းလင်းပွဲအား မေ ၂၄ ရက်နေ့တွင် ကျင်းပပြုလုပ်ခဲ့ကြောင်း သိရသည်။

            သမ္မတရုံး၏ ညွှန်ကြားချက်ကြောင့်ပြုလုပ်သော သတင်းစာရှင်းလင်းပွဲကို သမ္မတ အကြံပေးအဖွဲ့ဝင်များဖြစ်ကြသော ဦးကိုကိုလှိုင်၊ ဒေါက်တာနေဇင်လတ်တို့အပါအဝင် လေးဦးတက်ရောက်ခဲ့ပြီး မေ ၁၉ ရက်နေ့တွင်ရေးသားထုတ်ပြန်ခဲ့သော ဒေါက်တာဦးမြင့်၏ အိတ်ဖွင့်ပေးစာသည် နိုင်ငံတော်သမ္မတရုံးအနေဖြင့် ကြိုတင်သိရှိခြင်းမရှိဘဲ ၄င်း၏ပုဂ္ဂလိကဆန္ဒအလျောက် ရေးသားခဲ့ခြင်းသာဖြစ်ပြီး နိုင်ငံတော်သမ္မတရုံး၏ သဘောထား တစ်စုံတစ်ရာ ထင်ဟပ်ခြင်းလည်း မရှိကြောင်း ပြောကြားသွားသည်။

            ဦးမြင့်၏ အိတ်ဖွင့်ပေးစာတွင် ရန်ကုန်တက္ကသိုလ်၏ ဂုဏ်သိက္ခာကို ပြန်လည်မြင့်မားအောင် ဆောင်ရွက်ကြရမည့် ယခုတစ်ကြိမ်တွင်လည်း ရရှိပြီးဖြစ်သော အစဉ်အလာကောင်းများကို ဆက်လက် ထိန်းသိမ်းရမည်ဖြစ်ပြီး ထိုလုပ်ဆောင်ချက်သည် အမျိုးသားရင်ကြားစေ့ရေးအတွက် အရေးပါသော မှတ်တိုင်တစ်ခုဖြစ်မည်ဖြစ်ကြောင်း ဖော်ပြထားသည်။

            ရန်ကုန်တက္ကသိုလ်၏ ဂုဏ်သိက္ခာ ပြန်လည်ထွန်းပြောင်လာစေရန် တည်ဆောက်ရေးမှာ မြန်မာတစ်မျိုးသားလုံး လိုလားတောင့်တနေသောအချက်ဖြစ်ပြီး တစ်နိုင်ငံလုံးရှိ တက္ကသိုလ်အားလုံးကို နိုင်ငံတကာနှင့် ရင်ပေါင်တန်းနိုင်သည့်တက္ကသိုလ်များဖြစ်လာစေလိုသည့် ဆန္ဒရှိပြီး တာဝန်ရှိသူများအနေဖြင့် ရန်ကုန်တက္ကသိုလ် တစ်ခုတည်းသာ အထူးတလည်ဦးစားပေး တည်ဆောက်ပြီး ကျန်တစ်ပြည်လုံးရှိ တက္ကသိုလ်များကို မျက်ကွယ်ပြုထား၍မရနိုင်ကြောင်း ဦးကိုကိုနိုင်မှ ပြောကြားသွားသည်။

            ယခင်က ရန်ကုန်တက္ကသိုလ်တွင် အနယ်နယ်အရပ်ရပ်မှ ကျောင်းသားများလာရောက် ပညာသင်ကြားခဲ့ပြီး မိမိတို့ဒေသမှ ရိုးရာဓလေ့စရိုက်များနှင့် အတွေ့အကြုံများကို အခြားသူများအား ပြန်လည်ပြောကြားကြပြီး ရန်ကုန်တက္ကသိုလ်တွင် ပညာသင်ကြားခဲ့သော ကျောင်းသားများသည် ပညာသင်ကြားရင်း တန်ဖိုးမဖြတ်နိုင်သော ဗဟုသုတများပါ ရရှိနိုင်သည်ဟု ရန်ကုန်တက္ကသိုလ်တွင် ကျောင်းဆရာအဖြစ်တာဝန်ထမ်းဆောင်ခဲ့သူ ဆရာတစ်ဦးကဆိုသည်။

            ရန်ကုန်တက္ကသိုလ်နယ်မြေသည် မြို့တော်၏ အဓိကကျသော နေရာတစ်ခုတွင်တည်ရှိပြီး မြေ၊ အဆောက်အဦး၊ အားကစားကွင်းများ၊ အပန်းဖြေနားနေဆောင်များနှင့် အခြားသော အဆောက်အဦးများသည် သန်းထောင်ချီ တန်းဖိုးရှိလာပြီး ပုဂ္ဂလိက လုပ်ငန်းရှင်များအတွက် တက္ကသိုလ်နယ်မြေသည် မျက်စိကျစရာနေရာဖြစ်လာပြီး အန္တရာယ်ကိုကြိုတင်ကာကွယ်ရန်အတွက် အပူတပြင်းလိုအပ်နေကြောင်း ဦးမြင့်၏ ပေးစာတွင်ထည့်သွင်းဖော်ပြထားသည်။

            အထက်ပါကိစ္စနှင့် ပတ်သက်ပြီး ဦးကိုကိုလှိုင်က ပြောကြားရာတွင် ယခုအိတ်ဖွင့်ပေးစာတွင် ပါဝင်သောအချက်သည် ရန်ကုန်တက္ကသိုလ်အတွက် စိတ်ကောင်းစေတနာဖြင့် ပြောဆိုခြင်းဖြစ်သည်ဟု ယုံကြည်ကြောင်းပြောကြားခဲ့ပြီး ပြည့်စုံသော သတင်းအချက်အလက် မရရှိသောကြောင့် နားလည်မှု အကောက်အယူလွဲမှားကာ စိုးရိမ်မှုဖြင့် ပြောဆိုခြင်းဖြစ်နိုင်ပြီး ဤကိစ္စသည် မူဝါဒဆိုင်ရာအရ အထူးထိလွယ် ရှလွယ် အတိမ်းအစောင်းမခံသော ကိစ္စဖြစ်ပြီး အထင်လွဲမှုများ ပြေလည်သွားစေရန် ပြန်လည်ရှင်းလင်းရခြင်းဖြစ်ကြောင်း ပြောကြားခဲ့သည်။

            ၂၀၁၃ ခုနှစ်တွင် မြန်မာနိုင်ငံက အိမ်ရှင်အဖြစ်လက်ခံကျင်းပရန် စီစဉ်ထားသော အရှေ့တောင်အာရှအားကစာပြိုင်ပွဲမှ ရရှိသော ရန်ပုံငွေဖြင့် တက္ကသိုလ်တင်းနစ်ကွင်းများအား ပြိုင်ပွဲဝင်စံချိန်မီရေး အရည်အသွေးမီသည့် တင်းနစ်ကွင်းများဖြစ်ပေါ်လာစေရန် အိတ်ဖွင့်တင်ဒါစနစ်ဖြင့် ပုဂ္ဂလိက စီးပွားရေးလုပ်ငန်းရှင်များအား လုပ်ကိုင်ခွင့်ပေးရန် စီစဉ်နေဆဲသာဖြစ်ပြီး အရှေ့တောင်အာရှ အားကစားပြိုင်ပွဲအပြီး ၂၀၁၄ ခုနှစ်တွင် တက္ကသိုလ်နှင့် ကောလိပ်များတွင် ဘက်စုံစွမ်းရည်မြှင့်တင်ရေး အစီးအစဉ်များအတွက် အဆိုပါတင်းနင်းကွင်းများကို အစဉ်သင့်ပြန်လည်သုံးစွဲနိုင်မည်ဖြစ်ကြောင်း သိရသည်။

            ဦးမြင့်၏ အိတ်ဖွင့်ပေးစာတွင် ရန်ကုန်တက္ကသိုလ်၏ ဂုဏ်သိက္ခာကို ယခင်အတိုင်း ပြန်လည်မြင့်မားအောင် ဆောင်ရွက်ရာတွင် အရေးအကြီးဆုံးကိစ္စရပ်သည် မြန်မာ့ဆိုရှယ်လစ်လမ်းစဉ်ပါတီ၏ နောက်ဆုံးသမ္မတ ဒေါက်တာမောင်မောင် ၁၉၈၈ ခုနှစ်တွင် ပြောကြားခဲ့သော ကျောင်းသားသမဂ္ဂ အဆောက်အဦး ပြန်လည်တည်ဆောက်ရေး ဆိုသည့်အချက်အားထည့်သွင်းဖော်ပြခဲ့ပြီး အဆိုပါအချက်နှင့် ပတ်သက်ပြီး ဦးကိုကိုလှိုင်က ကျောင်းသားသမဂ္ဂ ကိစ္စရပ်သည် သက်ဆိုင်ရာ အမျိုးသား ပညာရေးကောင်စီ စသည့်အဖွဲ့အစည်းများက သေချာစွာလေ့လာသုံးသပ် စဉ်းစားရမည့်ကိစ္စများဖြစ်သဖြင့် တစ်စုံတစ်ရာပြောကြားရန်မရှိဟု ဆိုသည်။