ပြည်ထောင်စုဝန်ကြီး ဦးအောင်မင်းခေါင်းဆောင်သော ပြည်ထောင်စုအဆင့်ငြိမ်းချမ်းရေးဖော်ဆောင်မှုအဖွဲ့နှင့် ကရင်နီအမျိုးသားတိုးတက်ရေးပါတီ (KNPP)မှ ဦးခူဦးရယ် ခေါင်းဆောင်သော ကိုယ်စားလှယ်အဖွဲ့တို့ လွိုင်ကော်မြို့ရှိ ကယားပြည်နယ်ဧည့်ရိပ်သာ ကန္ဒာရဝတီခန်းမဆောင်တွင် မတ်လ ၇ ရက်နေ့က နှစ်ဖက်သောအသိသက်သေများ ရှေ့မှောက်တွင် ပဏာမအဆင့်ငြိမ်းချမ်းရေး လက်မှတ်ရေးထိုးခဲ့ကြသည်။
ဦးခူဦးရယ်ခေါင်းဆောင်သော ကရင်နီအမျိုးသားတိုးတက်ရေးပါတီ(KNPP)ပါတီမှ ကိုယ်စာလှယ်များသည် ငြိမ်းချမ်းရေးကိစ္စရပ်များဆွေးနွေးရန် ကယားပြည်နယ်၊ လွိုင်ကော်မြို့သို့ မတ်လ ၆ ရက်နေ့တွင် ဝင်ရောက်လာခဲ့ရာ ဒေသခံပြည်သူ တစ်သောင်းကျော် လွိုင်ကော်လေဆိပ်တွင်သွားရောက်ကြိုဆိုခဲ့ကြပြီး အစိုးရအဖွဲ့သစ်လက်ထက် တိုင်းရင်းသားလက်နက်ကိုင်တပ်ဖွဲ့များမှငြိမ်းချမ်းရေးဆွေးနွေးရန် မိမိဒေသသို့ပြန်လည် လာရောက်မှုကို ပြည်သူအများဆုံး သွားရောက်ကြိုဆိုခဲ့ခြင်းဖြစ်ကြောင်း ငြိမ်းချမ်းရေးအကျိုးဆောင်များထံမှ သိရသည်။
ပဏာမအဆင့် ငြိမ်းချမ်းရေးဆွေးနွေးမှုကို မတ်လ ၇ ရက်နေ့ နံနက် ၉ နာရီ မိနစ် ၃၀ တွင် ကယားပြည်နယ် ဧည့်ရိပ်သာတွင် ဆွေးနွေးခဲ့ရာ ကရင်နီအမျိုးသားတိုးတက်ရေးပါတီမှ တင်ပြခဲ့သည့် တောင်းဆိုချက် ၂၀ အား ဆွေးနွေးခဲ့ပြီး ဦးအောင်မင်းခေါင်းဆောင်သော ငြိမ်းချမ်းရေးဖော်ဆောင်ရေးအဖွဲ့မှ ဆုံးဖြတ်ပေးနိုင်သည့် အချက်များအား လိုက်လျောခဲ့ပြီး ဆုံးဖြတ်ချက်မပေးနိုင်သည့်အချက်များကို နိုင်ငံတော် သမ္မတထံသို့ တင်ပြသွားမည်ဖြစ်ကြောင်း ပြောကြားခဲ့ပြီး ညနေ ၃နာရီတွင် အချက်သုံးချက်ပါသည့် ပဏာမအဆင့်ငြိမ်းချမ်းရေး သဘောတူညီချက်စာလွှာကို နှစ်ဖက်သဘောတူလက်မှတ်ရေးထိုးခဲ့ပြီး သတင်းမီဒီယာများ၏မေးမြန်းမှုများကို နှစ်ဖက်တာဝန်ရှိသူများက ဖြေကြားခဲ့သည်။
ကရင်နီအမျိုးသားတိုးတက်ရေးပါတီနှင့် ယခုကဲ့သို့ သဘောတူ လက်မှတ်ရေးထိုးနိုင်ခဲ့ခြင်းကြောင့် ပြည်ထောင်စုဝန်ကြီး ဦးအောင်မင်းဦးဆောင်သော ငြိမ်းချမ်းရေးကိုယ်စားလှယ်အဖွဲ့ တာဝန်ယူထားသည့် တိုင်းရင်းသားလက်နက်ကိုင်ခြောက်ဖွဲ့နှင့် ငြိမ်းချမ်းရေးဆွေးနွေးမှုတွင် ပအို့(ဝ်)တိုင်းရင်းသား လက်နက်ကိုင်အဖွဲ့တစ်ခုနှင့်သာ ငြိမ်းချမ်းရေးဆွေးနွေးရန် ကျန်ရှိတော့သည်။
No comments:
Post a Comment