မြန်မာနိုင်ငံရုပ်ရှင်အစည်းအရုံးအား ဌာနဆိုင်ရာမှ ချုပ်ကိုင်မှုမရှိသော ၁၀၀ ရာခိုင်နှုန်း အစိုးရမဟုတ်သောအဖွဲ့အစည်း (NGO) အဖြစ်ပြောင်းလဲသွားမည်ဖြစ်ကြောင်း ဖေဖော်ဝါရီလ ၂၉ ရက်နေ့တွင် တော်ဝင်နှင်းဆီတွင် ကျင်းပသော ရုပ်ရှင်လောကသားများ အလွှာစုံ တွေ့ဆုံပွဲတွင် ဇင်ဝိုင်းမှ ပြောကြားခဲ့သည်။
ပျက်စီးယိုယွင်းနေသော မြန်မာနိုင်ငံရုပ်ရှင်လောကအား ပြန်လည်ပြင်စဉ်နိုင်ရန် မြန်မာနိုင်ငံရုပ်ရှင်အစည်းအရုံးအား ၁၀၀ ရာခိုင်နှုန်း (NGO) အဖွဲ့အစည်းအဖြစ် ပြောင်းလဲပေးရန် အနုပညာရှင်အချို့မှဦးဆောင်ကာ တာဝန်ရှိသူများသို့ ၂၀၁၁ ခုနှစ် အောက်တိုဘာလတွင် တင်ပြခဲ့ရာ ၂၀၁၂ ခုနှစ် ဖေဖော်ဝါရီလ ၂၉ ရက်နေ့ညနေ ၃ နာရီအချိန်တွင် သဘောတူညီချက်ကို နှုတ်အားဖြင့်ခွင့်ပြုချက်ရရှိခဲ့ကြောင်း သိရသည်။
ရုပ်ရှင်အစည်းအရုံးအား ပြန်လည်ဖွဲ့စည်းရာတွင် ရွေးကောက်ပွဲနည်းလမ်းဖြင့် ပြန်လည်ဖွဲ့စည်းသွားမည်ဖြစ်ပြီး ရွေးကောက်ပွဲနေ့တွင် ရုပ်ရှင်လောကသား အလွှာစုံတက်ရောက် ဆန္ဒမဲပေးရန် အရေးကြီးကြောင်း လူမင်းမှပြောကြားသည်။
No comments:
Post a Comment